Një shëtitje aspak formale e presidentit turk Recep Tayyip Erdogan në Central Park të New York-ut është shoqëruar nga një takim joformal me një familje shqiptare. Tre gra dhe vajza iu afruan kreut të shtetit duke u prezantuar si shtetase shqiptare. Gjëja e parë që i shkoi ndërmend Erdogan-it ishte pikërisht kryeministri shqiptar.
“Edi..Edi…Edi”, ishte përgjigja e udhëheqësit turk drejtuar shqiptareve. Takimi u shkurtër u përmbyll me një buzëqeshje dhe me një fotografi. “Faleminderit tej mase zoti president”, ishte kundërpërgjigjja e njërës prej shqiptareve.
Gjatë shëtitjes së tij, Erdogan u përball me disa situata përditshmërie, të pazakonta për publikun që të rastisnin një figurë të këtij rangu politik.
Një ndërmjetës “i pazyrtarizura” i luftës në Ukrainë me Rusinë gjeti kohë për të këshilluar një amerikan që të lërë cigaren. Apo për t’u përshëndetur me një përfaqësuese të komunitetit hebre e cila kishte dalë për një shëtitje në park. Kujtojmë që Erdogan do të marrë pjesë në margjinat e Asamblesë së Përgjithshme të OKB-së.
Pjesë e agjendës së presidentit turk do të jetë edhe takimi me kryeministrin izraelit Yair Lapid.
Zyra e Lapid tha se ai do të udhëtonte në New York të hënën në mbrëmje, përpara një fjalimi në Asamblenë e Përgjithshme të enjten. Një burim tha se takimi me Erdoganin do të zhvillohet të martën. /Albanianpost.com
