“Për mua është i vdekur, nuk e dua më një djalë të tillë”, flet nëna e shqiptarit që kërkohet për përdhunim në Greqi (VIDEO)

“Për mua është i vdekur”. Kështu ka deklaruar për televizionin grek ERT, nëna e shqiptarit Spartak Dyrmishi i akuzuar për përdhunimin e një gruaje në Athinë dhe tentativën për të abuzuar me një tjetër. Ngjarja e rëndë ndodhi një ditë më parë në Paleo Faliro. 45-vjecari jetonte me nënën e tij në Athinë prej vitesh. Ai rezulton të jetë i divorcuar dhe baba i dy fëmijëve. Në vijim të deklaratës për televizionin grek, nëna e shqiptarit thotë se djali i saj ishte një person problematik, që konsumonte alkol dhe drogë. Shpesh ai bëhej i dhunshëm edhe me nën e tij. Mësohet se Spartak Dyrmishi është larguar nga Athina për në Vlorë duke kaluar përmes pikës së Kakavijës. Mësohet se Policia e Shtetit po punon për arrestimin e tij. ©argjiroja.net