Treshja e hajdutëve, të cilët me metodën e thyerjes hynë në një dyqan kryesor të një rrjeti të njohur të shitjeve të celularëve në Chalandri, kishte shije të shtrenjta.
Autorët herët në mëngjes dje kanë hapur një vrimë në mur nga pjesa e pasme dhe kanë hyrë në dyqanin e ndodhur në rrugën “Andrea Papandreu” nr.6. Brenda një kohe të shkurtër kanë mundur të rrëmbejnë 63 celularë me vlerë 43 mijë euro.
Por duket se kanë bërë shumë zhurmë dhe është njoftuar policia. Një patrullë e mbërritur në vendngjarje ka arritur të arrestojë njërin nga “minjtë” ndërsa dy bashkëpunëtorët e tij kanë mundur të arratisen. Ai është një 48-vjeçar me origjinë nga Shqipëria, i njohur për autoritetet.
Sipas policisë, ishte liruar nga burgu qershorin e kaluar, por i kishte rihyrë punës për shkeljen e ligjeve të armëve, drogës, falsifikimit dhe grabitjes. Për nevojat e punës ishte kujdesur që të kishte me vete të gjitha mjetet e nevojshme të vjedhjes.
Policia e ka arrestuar dhe po shqyrton mundësinë që ai të jetë i përfshirë edhe në aktivitete të tjera të paligjshme ndërkohë që janë në kërkim bashkëpunëtorët e tij.
