Një plagosje me thikë është regjistruar mbrëmjen e kësaj të marte në Tiranë, në zonën e “Oxhakut”.
Burime zyrtare bëjnë me dije se si pasojë e një konflikti të çastit, shtetasi M. C., 38 vjeç, ka plagosur me thikë shtetasin A. I., 47 vjeç.
Burime bëjnë me dije se shkak për ngjarjen ka qenë zhurma që po bënte i plagosuri teksa luante domino me një person tjetër. Pasi kanë debatuar, janë kapur fizikisht dhe pastaj autori ka nxjerr thikën dhe e ka qëlluar.
47-vjeçari ka marrë një goditje me thikë në gjoks, por mësohet se është jashtë rrezikut për jetën, teksa është transportuar me urgjencë në spital.
Autori është arratisur pas ngjarjes dhe policia po punon për kapjen e tij dhe zbardhjen e plotë të ngjarjes.
Njoftimi i policisë:
Me datë 01.11.2022, te Oxhaku, si pasojë e një konflikti të çastit, shtetasi M. C., 38 vjeç, dyshohet se ka plagosur me mjet prerës thikë, shtetasin A. I., 47 vjeç, i cili ndodhet në spital, nën kujdesin e mjekëve.
Grupi hetimor nën drejtimin e Prokurorisë po punon për kapjen e autorit dhe sqarimin e rrethanave të ngjarjes.
