Policia e Gjirokastrës ka shpërndarë një njoftim për aksidentin e ndodhur pak minuta më parë. Të plagosur kanë mbetur 3 persona, të cilët janë transportuar në spital për ndihmë mjekësore. Ndërkohë Argjirolajm.net sjell foto nga vendi i ngjarjes.
“Rreth orës 16:30, në aksin rrugor Gjirokastër-Kakavije, në lagjen “Punëtore”, është përplasur autobusi i linjës Dropull-Kakavije, që drejtohej nga shtetasi G. D., 45 vjeç, me automjetin tip “Benz”, që drejtohej nga shtetasi A. Sh., 36 vjeç dhe me një autobus që drejtohej nga shtetasi Th. D., 37 vjeç. Për pasojë kanë mbetur të dëmtuar drejtuesi i autobusit shtetasi G. D., drejtuesi i automjetit “Benz”, shtetasi A. Sh. dhe djali i tij i mitur, të cilët u transportuan në Spitalin Rajonal Gjirokastër, për të marrë ndihmën mjekësore. Në vendngjarje ndodhet grupi hetimor, i cili po punon për zbardhjen e shkaqeve të aksidentit”, thuhet në njoftimin e policisë.
