Ministri shqiptar i Drejtësisë,Ulsi Manja,është pritur sot në Athinë nga homologu i tij Konstantinos Tsiaras.
Në qendër të diskutimeve mes dy ministrave të drejtësisë ishin reformat në sistemet gjyqësore kombëtare dhe shkëmbimi i mendimeve mbi praktikat më të mira në fushën e drejtësisë, lufta kundër korrupsionit si bosht qendror i politikave të ndjekura nga të dy vendet si dhe rruga e anëtarësimit të Shqipërisë në Bashkimin Evropian.
Ministri shqiptar analizoi prioritetet e qeverisë së vendit të tij në sistemin gjyqësor dhe kërkoi sigurimin e njohurive greke në çështje të tilla si struktura organizative dhe programet e trajnimit të Shkollës Kombëtare të Oficerëve Gjyqësor, si dhe në reformat në lidhje me dixhitalizimin e Drejtësisë dhe metodat alternative për zgjidhjen e mosmarrëveshjeve.
Tsiaras, nga ana e tij, u shpreh se Greqia është një mbështetëse e vendosur e perspektivës evropiane të Shqipërisë dhe shprehu gatishmërinë e Greqisë për të mbështetur në nivel teknik reformat që po tentohen në sistemin gjyqësor të Shqipërisë, si një kusht i domosdoshëm për integrimin e Shqipërisë në Bashkimin Evropian.
Tsiaras i kërkoi homologut të tij të vazhdojë në rrugën e reformave për forcimin e shtetit të së drejtës, të cilat kanë përfitime të shumëfishta edhe për shoqërinë shqiptare.
