Një kamion është përmbysur mesditën e sotme në rrugën nacionale Memaliaj-Krahës. Fatmirësisht pa dëme në njerëz, por ka krijuar vështirësi në qarkullimin e automjeteve. Policia e Shtetit ka dhënë një informacion paraprak për ngjarjen.
Rreth orës 12:20, në aksin nacional Memaliaj-Krahës, në afërsi të fshatit Iliras, është përmbysur dhe për pasojë ka bllokuar rrugën, automjeti kamion (pa ngarkesë), që drejtohej nga shtetasi I. M., banues në Serbi. Nuk ka dëme në njerëz. Shërbimet e Policisë Rrugore ndodhen në vendngjarje dhe po menaxhojnë lëvizjen e automjeteve, me qëllim që të vijojë normalisht qarkullimi i tyre. Grupi hetimor po punon për zbardhjen e shkaqeve të aksidentit.
