Një 31-vjeçar shqiptar është arrestuar pasi ka thyer xhamin e një makine, ka dhunuar gruan e tij dhe ka kundërshtuar një efektiv policie. Mediat italiane shkruajnë se ngjarja ka ndodhur në Kajro Montenotte të Savonas.
Shqiptari, në gjendje të dehur ka thyer me shufër hekuri xhamin e makinës së një zonje që kishte tre fëmijë me vete sepse ajo nuk përdori sinjalin për t’u futur në një rrugicë.
Më pas, ai ka goditur partneren e tij, e cila ka tentuar ta ndalojë. Por, efektivët e kanë shoqëruar në komisariat. Atje, shqiptari është përballu dhe me një prej policëve. Shqiptari akuzohet për dëmtim, rrahje dhe rezistencë ndaj një zyrtari publik.
