Historiani Erald Kapri deklaroi në “Now me Erla Mëhillin” se Himara është djep i nacionalizmit. Ai u shpreh se Dropulli dhe Finiqi janë dy bashki minoritare shumë të respektuarqa, por sa i takon çështjes së Himarës, pala greke ka ushtruar një presion të fortë ndër vite në shumë aspekte që lidhen me çështjen e pronësisë, në shumicën e rasteve pa të drejtë.
“Nuk po i hyj pjesës historike, por dihet që gjithë zona e Himarës të paktën tre fshatrat kryesore, kanë qenë fshatra në shekuj bilinguale, fshatra që flisnin shqip dhe greqisht. Është pak e vështirë që në situatën e sotme ballkanike të shekullit të 20 të dalim në një konkluzion të caktuar, sepse Himara është absolutisht djep i nacionalizmit shqiptar, kështu që këto janë çështje që krijojnë përplasje,” – tha Kapri.
