Deputetja e Partisë së Lirisë, Monika Kryemadhi i bën thirrje kryeministrit Edi Rama që të vijë në Parlament dhe të japë shpjegime për çështjen “McGonigal”.
E ftuar në Panorama TV, Kryemadhi shprehet se në të kundërt, opozita do të vijojë të protestojë.
Pyetje: Si do vijojë aksioni opozitar?
Kryemadhi: Në orën 10 do jemi të gjithë atje. Unë do jem atje në sallë. Do i thërras përkrahësit e mi që të vijnë jashtë në protestë. Edi Rama e ka me ligj që të vijë të përgjigjet në Parlament. Çfarë e gjeti? Ne pyetje do i bëjmë, s’do e varim me litar. Edhe sikur të duam, është shumë i gjatë se bëjmë dot.
Pyetje: Mendoni se këto protesta të vazhdueshme, heqin vëmendje nga zgjedhjet lokale.
Kryemadhi: Zgjedhjet duam apo jo do bëhen. Janë të domosdoshme. S’kanë të bëjnë me Edi Ramën. Në 14 maj ne votojmë për kryetarët e bashkive. Zgjedhjet lokale kanë të bëjnë me jetën e përditshme të qytetarëve, me taksat, me rrugët me parqet
