Ndonëse ajo ngulmon se karriera e saj si gazetare e ka bërë të famshme, në fakt është përfolur më shumë tani gjatë “Big Brother-it.”
Bëhet fjalë për Gerta Gixharin, motrën e Olta Gixharit, e cila këtë mëngjes (22 shkurt) ka qenë e ftuar në “Wake Up”. Gerta në këtë dalje të saj ka komentuar lidhjen Luiz-Kiara, duke renditur arsyet pse nuk do të funksionojë jashtë “BBV”.
“Lidhja Luiz-Kiara më duket nga ato lidhje që mund të rezistojë, mund të ecë, se Luizi është në një moshë që mund të krijojë familje. Por, Kiara është nga ato vajza, për të cilën mund të jetë pak shpejt. Ka karrierën përpara.
Nëse mund të çalojë pak kjo lidhje është nga ana e Kiarës. Luizi është më i përkushtuar ndaj saj dhe nga mënyra si kujdeset edhe si i shpreh ndjenjat. E ka mbledhur mendjen.
Ka ardhur koha që të krijojë një familje dhe Kiara i plotëson kushtet për ta patur nënën e fëmijëve, siç thotë ai. Kiara më duket ambicioze për karrierën dhe një fëmijë me Luizin mund ta pengonte. Unë e kam frikë marrëdhënien e tyre jashtë, edhe për shkak të kontrollit të Luizit,”-u shpreh Gerta Gixhari.
