Një ngjarje e rëndë ka ndodhur mesditën e sotme në Himarë, ku ka humbur jetën një turist çek.
Burime zyrtare nga policia, kanë bërë të ditur se ngjarja ku humbi jetën 70-vjeçari me inicialet P. S., ka ndodhur rreth orës 15:00 në vendin e quajtur ‘Përroi i Palasës’.
Policia e Himarës/ Informacion paraprak
Sot, rreth orës 15:00, shtetasi çek P. S., rreth 70 vjeç, pas hedhjes me parashutë, dyshohet se ka humbur kontrollin mbi parashutën, për shkak të arrestit kardiak, dhe ka rënë në vendin e quajtur “Përroi i Palasës”, ku si pasojë ka humbur jetën.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
