Një ngjarje e rëndë është shënuar në Nea Smyrni në Athinë, ku një shqiptar ka qëlluar me armë drejt një makine duke lënë të plagosur dy persona.
Mediat greke bëjnë me dije se një 36-vjeçar shqiptar ka qëlluar me armë drejt një makine, duke plagosur 2, nga 3 personat që ndodheshin në mjet.
Në makinë ndodhej ish e dashura e shqiptarit 26 vjeç që ka qenë edhe shënjestra, i dashuri i saj 30 vjeç dhe vëllai i saj 20 vjeç.
Dy personat, shoku dhe vëllai i 26-vjeçares kanë mbetur të plagosur në shpatull dhe janë dërguar në spital. Policia po punon për identifikimin dhe arrestimin e shqiptarit.
