Është zbardhur arsyea e dhunës ndaj një mësueseje në Memaliaj. Ka qenë halla e një nxënësje e cila ka ushtruar dhunë fizike ndaj mësueses të martën, ndërsa arsyea dyshohet të ketë qenë një sjellje jo e mirë sipas familjarëve të mësueses ndaj nxënëses. Është zbardhur ngjarja e ndodhur në shkollën “Nimet Progonati”, ku një mësuese u dhunua të martën nga një familjare e një nxënësje.
Sipas dëshmisë se dhëne ne stacionin policor te Memaliajt, behet e ditur se sherri mes dy grave shpërtheu momentin kur S.K. pa mbesën e vet teksa doli nga klasa duke qare.
Halla e nxënëses ka shkuar dhe kontaktoi me mësuesen M.H. duke i kërkuar llogari se perse kishte ushtruar dhune ndaj nxënëses gjë qe nuk ishte pohuar me pare prej vete minorenes.
Nuk ka mjaftuar te shpjegoje se çfarë do te thoshte mësuesja dhe menjëherë S.K. halla e nxënëses i është sulur mësueses duke e shtyre fillimisht e me pas e ka gërvishtur ne fytyre si pasoje e shtyrjes qe ushtroi.
Mësuesja i ka kërkuar te qetësohej dhe ta dëgjonte, por halla e nxënëses serish e ka shtyre duke e lënë përtokë mësuesen e cila mori hematoma ne pjesën e krahut dhe te shpinës.
Mësuesja vete pas kësaj i është drejtuar policisë ku ka bere denoncimin ndaj S.K. për ushtrim dhune për shkak te detyrës.
Ne polici mësuesja M.H. ka thëne se fëmija kishte ardhur ne klase pa bere detyrat dhe kishte planifikuar te qëndronte pas orës mësimore tok me te për t’ia shpjeguar detyrat dhe për ti bere nen kujdesin e saj.
Kjo e ka prekur nxënësen pasi ishte e vetmja ne klase qe u paraqit pa bere detyrat çka u shoqërua ne te qara.
Agresorja S.K. pasi është pyetur ne praninë e avokatit është lënë e lire dhe ndiqet ne gjendje te lire. Ndërsa është pyetur edhe nxënësja ne prani te psikologes.
Për rastin reagoi edhe Ministrja e Arsimit, Evis Kushi, e cila duke e quajtur rastin e izoluar, tha se nuk do të tolerojnë asnjë rast dhune, as ndaj nxënësve e as ndaj mësuesve.
