Rroga e majme e Arbana Osmanit si moderatore e BBV dhe shifrat që fiton në rrjetet sociale
Banorët e “Big Brother Vip” janë në qendër të vëmendjes përgjatë gjithë kohës, çfarë bën që edhe vetë moderatorja e këtij formati, të shndërrohet në një ndër figurat më të dashura për ndjekësit.
Arbana Osmani është ndër personat më të ndjekur e më të pëlqyer, pikërisht edhe për rolin e saj si prezantuese e një formati sa të bukur, aq edhe të vështirë. Por veç pyetjeve më të zakonta që ka rreth saj, shpesh ndjekësit i “mundon” edhe fakti sesa paguhet Arbana, si personi që është në krye të një prej spektakleve më të pëlqyera.
Teksa shkojnë drejt finales, banorët e BBV janë gjithmonë më të interesuar për çmimin e madh, i cili ka rënë nga 100 mijë euro, si pasojë e thyerjes së rregullave. Edhe prime-n e kaluar, banorët pyetën se sa ishte çmimi i madh ndërkohë që përgjigja e Arbanës ishte epike.
“Mezi po mbaj lekët e mia, të llogaris tuajat”, u shpreh moderatorja. Si duket Arbana ka disi të drejtë pasi për moderimin e saj në “Big Brother VIP”, ajo paguhet të paktën me rrogë mujore mbi 8.100 euro.
Të dhënat për pagën e saj u zbuluan disa muaj më parë pas një skandali që plasi në rrjet ku u publikuan të gjitha pagat e shqiptarëve. Por natyrisht që kjo është paga e deklaruar e Arbanës, pasi moderatorja ka edhe kontrata me disa nga bizneset që sjell si reklama në “Big Brother”, duke shtuar kështu edhe pagesën e saj.
Çfarë e bën Arbanën, një ndër moderatoret më të paguara në vendin tonë. Në këtë edicion të dytë të spektaklit, moderatorja po vërteton edhe njëherë se mbetet ndër prezantueset më të afta në vendin tonë, duke ia dalë të mbajë mbërthyer audiencën, por edhe të menaxhojë situatat që krijohen. Natyrisht që edhe për vetë Arbanën, kjo është një periudhë e ngjeshur, por duhet thënë edhe e frytshme.
Në rrjetet e saj sociale, shifrat rriten përditë, duke u përkthyer në një biznes për të. Kështu që nga nisja e “Big Brother”, për të janë shtuar ndjekësit, por edhe kontratat e bashkëpunimit, e për rrjedhojë edhe tarifat e publikimit në rrjetet sociale.
Nëse e keni vënë re, në “Intagram”-in e saj, ka një sërë bashkëpunëtorësh, që prej kohësh pasqyrohen prej saj në rrjetet sociale. Por, duket se me famën që “Big Brother” ka, janë shtuar ndjeshëm edhe bashkëpunimet për të, si rrjedhojë edhe çmimet.
Aktualisht, Arbana Osmani është ndër personat më të kërkuar për bashkëpunime në rrjetet sociale, por edhe ndër më të paguarat. Një postim në faqen e saj, kap shifrën e 5 mijë eurove, duke mbajtur kështu fronin sa i përket “Instagram”-it. Një vlerë po e lartë është edhe për “story” e saj në rrjetet sociale, që shkon deri në 1500 euro.
Në nisje të këtij spektakli, Arbana Osmani humbi një numër të madh ndjekësish, për shkak të një konflikti të ndodhur brenda në shtëpi. Shumë prej tyre kanë akuzuar produksionin e “Big Brother VIP” të cilët shpreheshin se po i bëjnë një “padrejtësi” Luizit dhe kjo gjë duket se reflektoi dhe te moderatorja e spektaklit Arbana Osmani.
Prezantuesja humbi plot 2 mijë “followers” në më pak së 24 orë në llogarinë e saj në “Instagram”, ku është dhe tepër aktive. Nga 938 mijë ndjekës, Arbana ka rënë në 936 mijë ndjekës. Kjo gjë nuk ka kaluar pa u vënë re nga moderatorja e cila “shfrytëzoi” dhe një moment gjatë spektaklit për ta treguar këtë.
Armaldo i kërkoi që gjatë spektaklit të “Big Brother” të reklamojë “Instagram”-in e Teatrit, mirëpo Arbana iu përgjigj me humor duke i thënë se po humb ndjekësit e saj për fajin e tyre. Por sot që flasim, Arbana ka në llogarinë e saj më shumë 945 k, duke qenë ndër personazhet më të ndjekur.
Kryesisht, “Instagram”-in moderatorja e përdor për bashkëpunimet e saj, duke e shndërruar në biznesin më perfekt. Natyrisht që deri në fund të këtij spektakli, vëmendja për të do të jetë e madhe, ashtu edhe si kërkesa për të bashkëpunuar.
Nëse vitin e shkuar, në këtë periudhë, ajo dhe Bora Zemani mbanin fronin sa i përket pagesave të larta për postimet në “Instagram”, këtë vit, Arbana nuk njeh rivale.
E duket se pas suksesit të “Big Brother”, për të ky është një tjetër sukses që kulmon pikërisht me periudhën kur edhe “reality” transmetohet.
