Duglas Kosta, për shumë vite me radhë ka qenë një lojtarë i mirëpaguar në futbollin europian. Mbrojtësi brazilian, pas eksperiencës te Bajern Mynih dhe 5 viteve të Juventusi, sigurisht që nuk kishte shqetësime ekonomike.
Por duket se futbollisti ka qenë dorështrënguar kur bëhej fjalë për fëmijët e tij, pasi nuk ka paguar për rritjen e tyre. Ai ka humbur kështu një gjyq ndaj ish-partneres, siç është bërë e ditur sot në Brazil. Një gjykatë në Porto Alegre ka dënuar me një vit burg lojtarin, i cili aktualisht është pjesë e Los Anxhelos Galaksi në MLS, teksa ka lëshuar edhe mandat ndërkombëtar arresti për të.
Nuk jepen detaje mbi situatën që ka çuar në këtë gjyq apo emrin e partneres me të cilën Duglas Kosta kishte fëmijën, por gjykata kërkon ekzekutimin e menjëhershëm të këtij urdhri.
SHBA nuk lejon ekstradimin drejt Brazilit, por nëse futbollisti do të shkojë në një vend që e lejon, atëherë do të jetë në telashe të mëdha.
