Enis Rexhepi është një prej emrave që duhet ndjekur me shumë vëmendje në futbollin europian. Sulmuesi 18-vjeçar po kalon një periudhë fantastike me fanellën e Shtutgartit, duke konfirmuar potencialin e tij me paraqitje dhe shifra mbresëlënëse në arenën ndërkombëtare.
Talenti shqiptar ka gjetur sërish rrugën e rrjetës në UEFA Youth League, këtë herë në përballjen ndaj Gallatasarait, e cila përfundoi në barazimin 2-2. Rexhepi ishte përsëri protagonist për skuadrën gjermane, duke regjistruar golin e tij të gjashtë në vetëm tri ndeshje në këtë kompeticion. Shifrat e tij janë vërtet mbresëlënëse.
Në tri ndeshjet e zhvilluara në Youth League, sulmuesi ka realizuar gjashtë gola, duke treguar një instinkt të jashtëzakonshëm para portës dhe një vazhdimësi që rrallë shihet te futbollistët e kësaj moshe. Ajo që e bën edhe më të veçantë paraqitjen e tij është fakti se Rexhepi ka shënuar edhe në dy përballje të tjera europiane. Ai realizoi dy gola kundër Atletiko Madridit, ndërsa ndaj Vikingut ishte protagonist me tre gola, duke dëshmuar se mund të bëjë diferencën edhe përballë kundërshtarëve me emër në futbollin europian.
Në total, sulmuesi 18-vjeçar ka arritur kuotën e 16 golave në sezonin aktual, një shifër që flet qartë për potencialin dhe formën e jashtëzakonshme që po kalon. Në moshën vetëm 18-vjeçare, Enis Rexhepi po ndërton një sezon fantastik. Nëse vazhdon me këtë ritëm, emri i tij pritet të dëgjohet gjithnjë e më shumë në futbollin europian.
Rexhepi është bërë objekt diskutimi në javët e fundit, pasi është mësuar se ka pasur takim me drejtuesit e FFK-së dhe po mendon kalimin te Kosova, ndonëse deri tani ka përfaqësuar Shqipërinë.
