Personi në foto është 50-vjeçari shqiptar i cili u vra nga bashkëatdhetari i tij në Selanik, teksa ndodhej brenda makinës së tij, pranë një pike karburanti.
Bëhet fjalë për shtetasin Shpëtim Bajrami që mbeti i vrarë pasditen e djeshme në Selanik. Ndërkohë, sot mediet greke kanë publikuar foton e viktimës, si dhe identitetin e tij.
50 vjeçari u qëllua nga një bashkatdhetar 45-vjeçar, i cili u dorëzua sot në polici, duke i thënë se nuk kishte asnjë motiv për të kryer vrasje, por pretendoi se ishte sulmuar dhe kërcënuar më parë nga viktima.
Ndërsa sipas asaj që shkruajnë mediet greke, shkak për konfliktin e tyre dyshohet të ketë qenë borxhi për trafikun e drogës.
