Arjan Bellai rikthehet në stolin e Bylisit. Ish-futbollisti i Kombëtares Shqiptare ka marrë zyrtarisht drejtimin e klubit ballshiot, këtë herë me misionin për ta rikthyer në elitën e futbollit shqiptar.
Bellai drejtoi Bylisin edhe në fillim të sezonit të kaluar në Kategorinë Superiore, por u tërhoq pasi rezultatet nuk ishin të duhurat.
Edhe në këtë eksperiencë të tij, Bellai do të shoqërohet nga greku Kosta Michailidis, ndërsa përgatitës atletik do të jetë argjentinasi Francisco Tursi.
