Zjarret e frikshme në Greqi, po vijojnë të përhapen me shpejtësim ndërsa situta mbetet alarmante në Aleksandrupol dhe në Fyli.
Zjarri që nisi mëngjesin e djeshëm nga Fyli ka marrë përmasa të mëdha, duke arritur deri në Parnithë, teksa ka mbuluar Athinën në tym.
Fronti i zjarrtë, i cili shpërtheu dje pranë Manastirit Kleiston , është zgjeruar dhe po “ngjitet” në shpatin e Parnitës. Zjarrfikësit shpresojnë që era të bjerë sadopak për të shmangur skenarin më të keq të mundshëm.
Në shumë zona të Athinës mban erë djegieje, ndërsa tymi ka mbuluar edhe Akropolin, gjë që tregon përmasat e zjarrit që lëviz në shpatet e malit Parnitha.
Një video që qarkullon në rrjetet sociale që nga mbrëmja e djeshme tregonte tymin e dendur që mbulon Akropolin dhe ka mbetur deri në orët e mbrëmjes, si dhe mali i Parnitës, i kuq nga flakët, në sfond.
https://www.youtube.com/watch?time_continue=9&v=uRJ34pK98mQ&embeds_referring_euri=https%3A%2F%2Fnewsbomb.net%2F&source_ve_path=MjM4NTE&feature=emb_title
