Disa ditë më parë publikuam një kërkesë të nënshkruar nga disa mjekë të spitalit të Tepelenës, që i bënin thirrje kryeministrit dhe Ministrisë së Shëndetësisë të tërhiqej nga vendimi për mbylljen e spitalit dhe funksionimin e tij si një qendër shëndetësore.
Ndërkohë së fundi emisioni “Stop” transmetoi një skandal të shitjes së medikamenteve të spitalit në një farmaci private. Pjesë e skemës ishte mjekja Klodiana Gjonça dhe kryeinfermierja e spitalit, të cilat janë shkarkuar nga detyra pas denoncimit të skandalit. Interesante është se çfarë mendojnë tani mjekët që kanë firmosur peticionin për mosmbylljen e spitalit lidhur me skandalin e shitjes së ilaçave për biznes në farmacinë private. Pjesë e firmëtarëve ishte edhe mjekja Klodiana Gjonçaj e denoncuar nga Stop.
Ata që firmosën kërkesën me argumente kundër mbylljes së spitalit dhe shumë mirë bënë, minimalisht duhet edhe të distancohen nga biznesi kriminal i kolegëve të tyre për tregtimin e medikamenteve të blera nga buxheti i shtetit. Kështu i bejnë nder kauzës së tyre nëse e kanë seriozisht kuptohet. Po qe se ata heshtin për skandalin nuk kanë kredo morale t’i argumentojnë qeverisë pse e ka gabim. Kurajo dhe integritet duhet, asgjë më tepër! ©argjiroja.net
