Gazetari Andrea Danglli ka denoncuar një akt të rëndë të keqtrajtimit të shpendëve ku 1 shqiponjë pasi është kapur e gjallë në Buhal të Përmetit është kryqëzuar mbi një rrjetë teli. Përmes një postimi në rrjetin social Facebook, Andrea Danglli shkruan:
“Ata që kryqëzojnë një shqiponjë janë të aftë të kryqëzojnë edhe një njeri, qoftë edhe nëse është pjellë e tyre.
Ja, si kjo qenie primitive në Përmet, që shqiponjën simbol të kombit e ka shndërruar në simbol të injorancës së tij makabre, i etur për gjak, i uritur për marrëzi. Për të shmangur këto pamje, do duhej të kishte vepruar me kohë forca ndëshkuese ndaj barbarëve të përkëdhelur nga ligjet e një vendi që ende përdor si preteks: S’po mbrojmë dot njerëzit, e jo më kafshët! Fali Zot, se nuk dinë çfarë bëjnë! Pa fjalë!”, shkruan Danglli.
Nga pamjet nuk është shumë e qartë nëse kemi të bëjmë me një shqiponjë apo skifter, sidoqoftë ngjarja është prapë e rëndë. Trajtimi i tillë i kafshëve duhet ndëshkuar!
