Një aksident i rëndë ka ndodhur në Lushnjë mbrëmjen e kësaj të hëne ku janë plagosur tre persona.
Policia njoftoi se ngjarja ka ndodhur rreth orës 19:00 në aksin rrugor “Çermë-Lushnjë” pranë fshatit Zamë, ku një mjet tip “Zetor” me drejtues 40-vjeçarin me inicialet T.K ka përplasur dy makina tip “Audi”.
Fillimisht mjeti i rëndë është përplasur me makinën e parë me drejtues 42-vjeçarin Gj.D dhe më pas me automjetin tjetër me drejtues shtetasin I.B. Si pasojë e aksidentit kanë mbetur të lënduar drejtuesit e të dy mjeteve “Audi”, si dhe pasagjeri 50-vjeçar A.H.
Sakaq, për fat të mirë të lënduarit ndodhen jashtë rrezikut për jetën dhe po marin trajtimin e duhur në spital, ndërsa grupi hetimor po punon për zbardhjen e plotë të rrethanave të aksidentit.
Njoftimi i Policisë
Lushnjë/Informacion paraprak
Rreth orës 19:00, në aksin rrugor “Çermë-Lushnjë”, në fshatin Zhamë, mjeti tip “Zetor” me drejtues shtetasin T. K., 40 vjeç, është përplasur me automjetin tip “Audi” me drejtues shtetasin Gj. D., 42 vjeç, dhe me automjetin tip “Audi”, me drejtues shtetasin I. B.
Si pasojë e përplasjes janë dëmtuar shtetasit Gj. D dhe T. K., si edhe pasagjeri në mjetin tip “Audi”, shtetasi A. H., 50 vjeç, të cilët ndodhen në spital, në kujdesin e mjekëve, jashtë rrezikut për jetën.
Grupi hetimor po punon për zbardhjen e plotë të rrethanave të aksidentit.
