Gjykata e Posaçme për Korrupsionin dhe Krimin e Organizuar në seancën e sotme ka lënë në fuqi masën shtrënguese “detyrim paraqitje” për Sali Berishën, si dhe moslejimin e tij për të dalë jashtë Shqipërisë.
Sipas vendimit, Berisha është i detyruar të paraqitet të hënën e parë dhe të tretë të çdo muaji në orën 10:00 para oficerit të policisë gjyqësore, Adelajda Metaj në SPAK.
Po kështu ish-kryeministrit i ndalohet përdorimi i pasaportës dhe dokumenteve të tjera identifikuese për daljen jashtë shtetasit. Gjykata rrëzoi kërkesën e Berishës për përjashtimin nga procesi të gjyqtares Irena Gjoka.
Po kështu u tërhoqën nga mbrojtja dy avokatët e caktuar nga shteti, për t’u zëvendësuar me një tjetër, Valentina Todoresku. ©Argjiroja.net
