Rikthehen tensionet diplomatike mes britanisë së madhe dhe Greqisë për mbi skulpturat e Partenonit, Kryeministri Rishi Sunak anuloi takimin me homologun grek Kyriakos Mitsotakis pas deklaratave të këtij të fundit për ngecjen e negociatave! Greqia kërkon kthimin e veprave të artit të marra në tempullin e Partenonit në fillim të shekullit të 19, nga lordi Lord Elgin, por Londra refuzon me argumentin se statujat janë blerë ligjërisht.
Kryeministri grek Kyriakos Mitsotakis akuzon homologun e tij britanik Rishi Sunak se ka anuluar një takim të planifikuar mes dy liderave në Londër, për shkak të një mosmarrëveshjeje diplomatike mbi skulpturat e Partenonit.
Njoftimi për anulimin e takimit erdhi pas deklaratave të kreut të qeverisë Helene në një intervistë për BBC, ku Ai u ankua për ngecjen e negociatave për kthimin e veprave të antikitetit
Greqia ka kërkuar shpesh nga Muzeu Britanik që të kthejë skulpturat 2500-vjeçare që diplomati britanik Lord Elgin mori nga tempulli i Partenonit në fillim të shekullit të 19-të, kur ai ishte ambasador në Perandorinë Osmane.
“Shpreh keqardhjen që kryeministri britanik anuloi takimin e planifikuar mes nesh, vetëm disa orë para se ai të mbahej”, tha Mitsotakis në një deklaratë.
“Qendrimet e Greqisë për çështjen e skulpturave të Partenonit janë të mirënjohura. Shpresoja t’i diskutoja ato me homologun britanik. Cilido që beson në drejtësinë e qëndrimeve të veta nuk ka frikë kurrë të përballet me argumente,” shtoi ai.
Qeveria greke ka qenë në diskutime me Muzeun Britanik, për një marrëveshje të mundshme për skulpturat, të cilat kanë qenë një burim mosmarrëveshjesh midis dy vendeve për shekuj me radhë.
Më herët kryeministri Mitsotakis ka shprehur pakënaqësi se bisedimet mbi një kthim të mundshëm të skulpturave në Athinë nuk po përparonin aq shpejt sa ç’duhej.
Më herët, një zëdhënës i Sunak tha se nuk kishte në plan t’i kthente skulpturat. E pyetur në lidhje me deklaratën e Mitsotakis, zyra e kryeministrit britanik deklaroi tha se marrëdhënia e Britanisë me Greqinë ishte shumë e rëndësishme dhe të dy vendet duhej të punonin së bashku për sfidat globale si zgjidhja e migracionit të paligjshëm.
Zëvendëskryeministri britanik Oliver Dowden ishte në dispozicion për tu takuar me Mitsotakis për të diskutuar këto çështje në vend të kryeministrit, njoftoi zyra e Sunak.
Qeveria britanike gjithmonë e ka përjashtuar mundësinë e heqjes dorë nga pronësia e statujave dhe thotë se ato janë blerë ligjërisht. Ligji e ndalon muzeun britanik të lëvizë objekte nga koleksioni, përveçse në rrethana të caktuara, por legjislacioni nuk e ndalon dhënien e tyre hua.
