Prej orës 13:00 të së enjtes kur iu vu në dispozicion vendimi i Kuvendit për autorizimin e arrestimit të Sali Berishës, SPAK ka dritë jeshile për të kërkuar në Gjykatën e Posaçme ashpërsimin e masës ndaj ish-kryeministrit.
Koha se kur do të depozitohet kërkesa për zëvendësim mase është në vlerësimin e prokurorëve të çështjes, ashtu si edhe lloji i masës së re, nëse do të jetë “arrest në shtëpi”, apo “arrest në burg”.
Referuar procedurës ligjore, pas depozitimit të kërkesës së SPAK në gjykatë kjo e fundit ka 5 ditë kohë për shqyrtimin e saj.
Shqyrtimi i kërkesës për zëvendësim të masës së sigurisë bëhet po nga gjyqtarja Irena Gjoka, e cila më herët caktoi masën e sigurisë “detyrim për paraqitje”, që nuk u zbatua nga ish-kryeministri.
