Një aksident i frikshëm ka ndodhur mbrëmjen e djeshme në aksin Levan – Tepelenë në vendin e quajtur “24 orarëshi”.
Si pasojë e aksidentit, kanë mbetur të lënduar shtatë persona, dy prej të cilëve fëmijë.
Sipas pamjeve të siguruara nga vendi i ngjarjes, duket se përplasje mes dy automjeteve ka qenë “kokë më kokë” dhe shumë e fortë, duke shkaktuar dëme të mëdha.
Burimet paraprake kanë pohuar se te plagosurit u derguan ne spitalin rajonal te Fierit.
Ndër të lënduar, më rëndë është një fëmijë 3-vjeçar, i cili është futur në sallën e operacionit.
Në vendngjarje kane shkuar forca të policisë rrugore dhe ekspertët për të zbardhur rrethanat e këtij aksidenti.
