Dy automjete janë aksidentuar paraditen e sotme në rrugën kombëtare Kardhiq- Delvinë.
Sipas burimeve policore ngjarja është regjistruar rreth orës 10.15 ndërsa dy mjetet udhëtonin në këtë rrugë kombëtare, në kah të kundërt me njeri-tjetrin.
Nga aksidenti ka pasur vetëm dëme materiale ndërsa nuk janë lënduar personat që udhëtonin në të dyja makinat.
Dyshohet se shkak i aksidentit të ketë qenë lagështia mbi asfalt dhe humbja e kontrollit nga drejtuesit e mjeteve.
Në këto ditë festash Policia Rrugore në Gjirokastër ka apeluar që drejtuesit e mjeteve të tregohen të kujdesshëm për respektimin e Kodit Rrugor dhe parandalimin e aksidenteve.
