Analizat mbi ngarkesën virale dhe përhapjen e Covid-19 që insituti i epidimiologjisë po kryen në ujërat e zeza të Athinës, ka zbuluar shifrat tronditëse të përdoruesve të kokainës në kryeqytetin e vendit.
Shefi i sektorit të analizave në insitutin Grek të epidimiologjisë dhe profesori grek, Nikos Thomaidhis, foli për rezultatet e analizave, ku tha se më shumë se 120.000 banorë të kryeqytetit të vendit, janë përdorues të rregullt të kësaj lënde narkotike, shifër kjo alaramante, por që sipas tij është nën mesataren europiane. Thomaidhis theksoi se shifra e përdoruesve të kësaj droge mund të jetë edhe më e madhe pasi një pjesë e mirë e zonave rezidenciale të kryeqytetit nuk janë të lidhura me rrjetin qëndror të kanalizimeve.
Ai shprehet se numri i përdoruesve të drogave në vend është rritur ndjeshëm edhe për shkak të uljes së çmimit të kokainës në treg dhe lehtësisë që ajo hyn në vend. Ai kërkoi marrjen e masave urgjente pasi trendi i përdorimit të kokainës është në rritje, shkruajnë mediat greke. Sipas tij, shifrat janë bërë shqetësuese që prej fillimit të pandemisë Covid në 2020 vit kur u shënua rritje drastike e përdoruesve të kokainës në vend duke u trefishuar në krahasim me para pandemisë.
Koronavirusi, siç tha profesori duke analizuar të dhënat nga ujërat e zeza në Rajonin e Atikës, ka treguar një rritje edhe gjatë festave të Krishtlindjeve. Ai vuri në dukje se java e fundit e 2023-ës ka shënuar rritje prej 85-90% të këtyre viruseve që do të thotë se në dy-tre javët e ardhshme do të ketë një ngarkesë virale edhe më të madhe.
Duke iu referuar gripit, ai foli për një dyfishim të ngarkesës virale dhe një përhapje shumë të madhe të rasteve.
“Këtë vit kemi pasur një vonesë prej 15-20 ditësh dhe kjo ndoshta për shkak të kushteve shumë të mira atmosferike që kemi pasur në periudhën paraprake. Por tani, me rritjen e lagështisë, uljen e temperaturave dhe rritjen e ndjeshme të kontakteve sociale, e pamë shumë herët këtë rritje të ngarkesës virale”, theksoi ai.
“Unë mendoj se do të ketë një kulm në dy deri në tre javët e ardhshme dhe më pas do të fillojë një de-përshkallëzimi i ngadalshëm. Gjithsesi, duhet të kemi parasysh se në të njëjtën kohë, rritja e gripit të tipit B fillon në shkurt dhe mars”, përfundoi ai.
