Përkeqësimi i kushteve të motit ka risjellë reshjet e dëborës në Tamarë-Vermosh, në Qafë Thore-Bogë si dhe në Qafë Thanë. Autoriteti Rrugor Shqiptar përmes një njoftimi ka bërë me dije se mjetet borëpastruese ndodhen në terren dhe kanë bërë të mundur pastrimin e këtyre akseve rrugorë. Gjithashtu, për të evituar ngricat është shpërndarë edhe kripë.
Qarkullimi i mjeteve vijon pa probleme, ndërkohë i është bërë një apel të gjithë shoferëve që të pajisen me goma dimërore dhe zinxhirë.
“Gjatë natës janë kthyer reshjet e dëborës me intensitet të ulët, në Tamarë-Vermosh, në Qafë Thore-Bogë dhe në Qafë Thanë Grupet e punës me mjetet borëpastruese në terren kanë bërë pastrimin e rrugëve nga dëbora dhe shpërndarjen e kripës për të evituar ngricat Qarkullimi vijon pa probleme
Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”, thuhet në njoftim.
