Gazetari Arian Çani tha se kryeministri Edi Rama ka më shumë mbështetje se presidenti i Greqisë Kyriakos Mitsotakis.
Sipas Çanit deri më tani nuk ka dalë asnjë vend i Bashkimit Europian që t’i japë të drejtë Greqisë lidhur me çështjen e Belerit.
“Për mua ajo që i ndan është vetëm raporti i forcave. Sot Rama është më i fuqishëm se Mitsotakis. Kjo duket. Sot Rama ka me vete Melonin në Itali. Kështu u quajt edhe nga mediat, “Beleri” përçan Italinë me Greqinë.
Rama ka Melonin, Francën, ka Gjermaninë dhe shumë vende të tjera të Bashkimit Europian. Deri më tani nuk ka asnjë vend të Bashkimit Europian që ti japë të drejtë Greqisë.
Por sa do të zgjasë kjo? Do vijë një ditë që do bëhet bilanci. Nëse Greqia heq dorë, Rama del një superfitimtarë”,-tha Arian Çani.
“Që vazhdon të insistojë për çështjen Beleri, Greqia bën shumë mirë, si ç’do bënte një shtet për shtetasin e vetë. Edhe ky (Rama) bën shumë mirë. Është raport forcash, secila palë është në të drejtën e vetë”,-shtoi Çani.
