Një aksident ka ndodhur mbrëmjen e sotme në dalje të qytetit të Tepelenës. Si për rastësi dy automjetet e përplasura janë të policisë. Një furgon i Policisë së Shtetit është përplasur me një furgon tjetër policisë private “Nazeri”. Fatmirësisht nuk raportohet për të lënduar, por vetëm për deme materiale. Shkaqet e aksidentit janë ende të paqarta, por paraprakisht dyshohet për manovra të gabuar në rrugë. Çështja është nën hetim për të zbardhur më shumë rrethanat e këtij aksidenti. Për ngjarjen ka shpërndarë një njoftim shkurt edhe Policia e Gjirokastrës.
Mbrëmjen e sotme, në aksin rrugor Gjirokastër-Tepelenë, në vendin e quajtur “Bypassi”, është përplasur një automjet tip “Ford” i Policisë që drejtohej nga shtetasi G. S (punonjës policie) me fugonin tip “Fiat” të një shoqërie private të ruajtjes dhe sigurisë fizike me drejtues mjeti shtetasin V. D.. Si pasojë e përplasjes ka patur vetëm dëme materiale. Shërbimet e Policisë Rrugore kanë kryer veprimet administrative për këtë rast.
