Drejtori i Korporatës Elektroenergjetike Shqiptare (KESH), Ergys Verdho, ka dhënë dorëheqjen. Lajmi është konfirmuar jo zyrtarisht nga burimet e KESH.
Dorëheqja është për shkak të largimit në një detyrë tjetër. Burimet thonë se Verdho pritet të emërohet në krye të Hekurudhës Shqiptare. Për momentin nuk ka një emër të ri, teksa drejtimi i korporatës po bëhet aktualisht nga Ministria e Energjisë.
Ergys Verdho erdhi në krye të KESH në qershor të vitit 2021, duke zëvendësuar në këtë detyrë Benet Becin, i cili dha dorëheqjen për shkak të angazhimive në politikë.
Më herët, Verdho kishte mbajtur detyrën e drejtorit të Autoritetit Rrugor Shqiptar.