Të paktën 10 banesa janë grabitur ditët e fundit në fshatrat Krahës e Zhulaj të Memaliajt. Vetë banorët thonë se autorët kanë arritur të vjedhin sende të ndryshme, duke nisur nga paratë, bizhuteritë, por edhe produktet ushqimore. Pjesa më e madhe e shtëpive janë të pabanuara pasi pjesë më e madhe e banorëve janë në emigrim. Policia fillimisht njoftoi për grabitjen e 3 banesave, ndërsa sot dërgoi për media një tjetër njoftim për 7 banesa të tjera. Autorët janë ende mister. Policia thotë se po punon dhe identifikimin dhe kapjen e tyre.
Njoftimi i parë
Memaliaj/Në 3 banesa aktualisht të pabanuara, në fshatin Krahës, janë vjedhur disa produkte ushqimore. Po punohet për të identifikuar dhe nxjerrë përpara përgjegjësisë penale, autorin/ët. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
Njoftimi i dytë
Memaliaj/Në vijim të informacionit të dhënë dje, për vjedhjen në disa banesa, në fshatin Krahës, informojmë se në vijim të veprimeve hetimore të kryera nga punonjësit e Policisë, janë konstatuar 7 banesa, aktualisht të pabanuara, të hapura nga shtetas ende të paidentifikuar. Vijon puna hetimore për identifikimin, kapjen dhe nxjerrjen përpara përgjegjësisë penale, të autorit/ëve. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
