Deputeti dhe kryetari i partisë “Zgjidhja Greke”, Kyriakos Velopoulos, ka bërë deklarata të ashpra në Parlament pas takimit të Edi Ramës në Athinë. Në një video të publikuar në faqen e tij në Tik Tok, ndër të tjera politikani grek kërkon që qeveria e tij t’u vendosë “apellasi” (depërtojë) të gjithë shqiptarët që shkuan në stadiumin “Galatsi” për të ndjekur Edi Ramën.
“Përkëdhelët Ramën. E sollët këtu dhe kryeministri Mitsotakis tha sërish gënjeshtra se nuk mund ta ndalonte vizitën. Po Merkeli si e ndaloi vizitën e Erdogan në Gjermani? Gjermania kishte një Merkel që e donte Gjermaninë. Ne kemi një Mitsotakis që nuk e do Greqinë. E dëgjuat Ramën çfarë tha, që Greqia iu përket edhe grekëve edhe shqiptarëve. Na tha edhe që Boubulina ishte shqiptare. I keni dëgjuar çfarë thonë shqiptarët në Tik Tok, që gjithë heronjtë e revolucionit tanë ishin shqiptarë. “Apellasi” (deportim) të gjithë atyre që ishin në stadiumin Galatsi. Sepse cënojnë paqen në Ballkan. Ne duam paqe, nuk duam luftë”, tha Kyriakos Velopoulos.
Ai njihet si një politikan i ekstremit të djathtë në Greqi. Partia që ai drejton është themeluar në vitin 2016. Më herët Velopoulos ka qenë edhe pjesë e partisë Demokracia e Re e kryeministrit Mitsotakis. Në videon më poshtë shihni të gjithë shpërthimin e tij racist kundër shqiptarëve. ©Argjiroja.net
@velopoulos.k Γκρεμίστηκαν τα ψεύδη Μητσοτάκη για τον Ράμα! Μπορούσε να του απαγορεύσει την είσοδο! Τι λέτε ρε Τσάμηδες; Η Ελλάδα ανήκει στους Έλληνες! Ο Βελόπουλος διέσυρε την παρέα του Μητσοτάκη! #ΒΕΛΟΠΟΥΛΟΣ #ΒΟΥΛΗ #ΤΕΜΠΗ #ΣΚΟΠΙΑ #ΑΛΒΑΝΙΑ #ΤΟΥΡΚΙΑ ♬ original sound – Velopoulos.K
