Deputeti i PD-së, Tritan Shehu, ka shkuar në Piskovë të Përmetit, aty ku pati një zjarrvënie te fusha e grumbullimit të mbetjeve urbane. Ai thotë se kjo është një situatë absurde pasi nga njëra anë Vjosa shpallet Park Kombëtar e nga ana tjetër digjen plehrat.
“Se bashku me banoret e atyshem ne protesten kunder korrupsionit e pa pergjegjeshmerise se kesaj Rilindje! Si shkak per te tilla veprime qe shkaterrojne ambjentin, shendetin e jeten e qytetareve! Me miratimin keto bema edhe te deputetes-ministre ambjentit! Ky rregjim nuk ka te ndalur prej babezise ekstreme te tij. Vetem levizja e protesta popullore do ta ndale!”, shkruan Shehu në faqen e tij në Facebook.
Ndërkohë në një komunikim me gazetarët, ai ka bërë me faj edhe prefektin e Gjirokastrës, Odise Kote, që sipas Shehut po i shmanget përgjegjësisë në këtë “përmes shkresave në kinezçe”.
