Vangjel Tavo flet për plazhe të zaptuara në Himarë ndonëse nuk përmend emra subjektesh apo të shpjegojë kush e ka toleruar këtë fenomen.
“Nuk mund të ketë një situatë ku plazhet zihen, okupohen nga të ndryshëm operatorë pa kriter, duke mos lënë plazh publik aq sa lejon ligji për banorët dhe për vizitorët që duan të rrinë në plazh publik, por në radhë të parë për banorët”, tha Tavo gjatë një interviste televizive për Tv 6 plus 1 në Vlorë.
Më tej ai tha se administrata e Bashkisë Himarë ka qenë me “drejtora gjobaxhinj” dhe se ai sapo ishte emëruar si prefekt kishte shkarkuar drejtorin e IMT dhe disa inspektorë. ©Argjiroja.net
