Një atentat i rëndë tronditi mbrëmjen e së shtunës Memaliajn. Tre persona gjetën vdekjen pas breshërisë së plumbave të cilat u qëlluan në drejtim të tyre. Shënjestër e këtij atentati ishte viktima Shyqyri Kalemi ndërsa dy viktimat e tjera morën plumba pasi ndodheshin pranë shënjestrës në momentin kur autorët qëlluan në drejtim të 73-vjeçarit.
Viktima mbetën kamarieri, Gledio Muka dhe një klient, Marsel Çela në lokalin në lagjen nr 3, para godinës së bashkisë së këtij qyteti. Në lidhje me ngjarjen ka reaguar edhe nusja e xhaxhait të Gledis Mukës. Gjatë fjalës së saj ajo u shpreh se kërkojnë drejtësi për djalin e tyre. Ajo u shpreh se Gledio ishte i ndershën dhe u vra pafajësisht. Nusja e xhaxhait të viktimës më tej theksoi se dy viktimat, Gledio Markiu dhe Marsel Çela ishin shokë të ngushtë dhe kishin bërë shkollën bashkë.
“Duam drejtësinë që na e vranë djalin pa faj. Nuk bënte punë të tjera, gjithmonë ka punuar atje, i ndershëm dhe punëtor. Kishte një vit që punonte atje. Marrëdhëniet i kishte mirë, punonte me orare të zgjatura. Djali ishte i pafajshëm, mezi e kemi rritur. Duam drejtësi. Të vritet djali pa… s’ka ku të vejë më. Me atë tjetrin që u vra ishin shokë të ngushtë, kanë bërë edhe shkollën bashkë”, tha nusja e xhaxhait të viktimës.
