Një aksident ka ndodhur në aksin Levan-Fier, në vendin e quajtur Çesma e Levanit. Mësohet janë përplasur kokë më kokë dy automjete. Nga aksidenti kanë mbetur të plagosur katër persona, të cilët janë transportuar në spitalin rajonal të Fierit nga dy autoambulanca. Automjeti me drejtues shtetasin Namik Rakipi, 70 vjeç, është përplasur me automjetin me drejtues shtetasin Klejdi Çaushaj, 24 vjeç. Si pasojë e përplasjes janë dëmtuar shtetasi Namik Rakipi dhe dy pasagjerë, të cilët ndodhen në spital, jashtë rrezikut për jetën.