Një aksident i rëndë është shënuar në Romë të Italisë. Sipas mediave të huaja, një 22 vjeçar shqiptar ka humbur kontrollin e mjetit dhe për pasojë mjeti ka dalë nga rruga, duke shkaktuar një viktimë dhe 2 të plagosur.
Shoferi nga Shqipëria i idnetifikuar si A.H., ishte partneri i viktimës 24-vjeçare dhe babai i fëmijës. Pavarësisht përpjekjeve për ta shpëtuar, e reja e identifikuar si Mariagrazia Bedin nuk i mbijetoi dot plagëve.
Gjithashtu, në makinë ndodhej edhe foshnja e tyre 6 muajshe dhe motra e shoferit, që aktualisht ndodhen në spital në gjendje të rëndë.
Autoritetet italiane kanë arrestuar të riun shqiptar nën akuzën për “Vrasje me Automjet”, pasi pas testeve ka rezultuar nën efektin e alkoolit dhe drogës. Ai është lënë në ”arrest shtëpie”, ndërsa mësohet se çifti kishin 3 fëmijë së bashku.
