AMP-arrestoi 22 punonjës të Policisë, që dyshohen për vjedhje duke shpërdoruar detyrën. Ata kanë përvetësuar rreth 2 milionë lekë të reja nga gjobat e makinave me targa të huaja. Për operacionin ka reaguar edhe ministri i Brendshëm Ervin Hoxha.
Deklarata
Falë një hetimi profesional të Agjencisë së Mbikëqyrjes Policore dhe Prokurorisë së Kukësit u vunë para përgjegjësisë ligjore 22 punonjës e ish-punonjës të Policisë Rrugore.
Rritja e besimit të qytetarëve tek Policia e Shtetit, e cila vetë po kalon një proces ripërtëritje të trupës drejtuese, lidhet ngushtësisht me garantimin e integritetit të punonjësve të organizatës.
Lufta kundër paligjshmërisë fitohet duke patur së pari, një trupë policore të aftë për t’ju përgjigjur sfidave të ndërtimit të #SHQIPËRISË2030, ndaj gjithë fokusi ynë do të jetë për ta intesifikuar këtë përpjekje.
