Kryetari Partisë së Lirisë ka ndarë këtë të shtunë shifrat e agjencisë EUROSTAT, për përgjysmimin e numrit të bagëtive, konkretisht nga 490 mijë lopë në 263 mijë lopë. Këtë ndryshim Ilir Meta ia atribuon Partisë Socialiste.
Ai prezanton programin e Partisë së Lirisë për të mbështetur fermerët me pagesa direkte, për 4-fishimin e krerëve të lopëve në kohë rekord.
“Financimi i fermave blegtorale do të jetë me 200 Euro për krerë lope dhe pragu i përfitimit do të ulet në 3 krerë nga 10 që është aktualisht. TVSH për ushqimin e bagëtive do të jetë ZERO”, thotë Meta teksa ndan një video pranë një kullote.
Kryetari i Partisë së Lirisë shton më tej se kur ata të vijnë në pushtet do të japin financim direkt 5 Euro për çdo kafshë të lindur apo të therur, si dhe për çdo litër qumësht në masën 0.1 Euro/litër.
“Në këtë mënyrë i japim fund shpopullimit, garantojmë mirëqenien e fermerëve dhe një Shqipëri fuqi eksportuese”, shkruan Ilir Meta duke akuzuar atë që e ai e quan “Rilindje” se qëkur mori drejtimin e vendit e vetme në 2017, program të vetëm ka pasur përgjysmimin e bagëtive.
