Shkrimtari dhe ambasadori i Shqipërisë në Austri, Fate Velaj, ka promovuar sot në Vlorë romanin e tij të ri, “Mossanga”. Eventi u mbajt në pallatin e kulturës në Vlorë mes shumë të pranishmëve, personazhe të njohur të jetës publike në vend, politikanë, diplomatë, artisë, gazetarë e sipërmarrës.
Për librin referuan botuesi Bujar Hudhri, deputeti e drejtuesi politik i PS në qarkun Vlorë, Bledi Çuçi, si dhe kryetari i bashkisë Ermal Dredha. Mes të pranishmëve ishte edhe kryebashkiaku i Gjirokastrës, Flamur Golemi. “Mossanga” është romani i pestë i Fate Velajt.
Mes të tjerash në libër shkruhet: “Mossanga” ishte një “vlonjat” që këndonte me kitarë këngët e dashurisë. Ishte një “shqiptar” që recitonte plot ndjenjë vjershat e Naimit. Ishte më i përvëluari nga dielli i korrikut dhe më i nxiri nga ai i gushtit, por, mbi të gjitha ishte djaloshi më i buzëqeshur që mbaj mend nga fëmijëria ime”.
