Reshjet masive të shiut gjatë gjithë ditës së sotme kanë shkaktuar përmbytje të rënda në qytetin e Vlorës.
Situata në qytetin bregdetare paraqitet shumë e rëndë ndërsa në rrjet qarkullojnë pamje apokaliptike ku tregojnë sesi uji ka arritur deri në gjysmën e lartësisë së makinave. Katet e para të bizneseve janë përmbytur plotësisht, rrugët janë kthyer në “lumenj”, ndërsa disa video të tjera tregojnë shumë familje në vështirësi.
Një nga këto është ajo e Fatjon Kapaj në zonën e Kumes në Vlorë. Fatjon Kapaj është i paralizuar ndërsa është bllokuar në banesën e tij bashkë me prindërit e moshuar pasi shtëpia e tyre është përmbytur plotësisht.
I riu apelon për ndihmë pasi kanë mbetur të bllokuar brenda.
“Jemi brenda plot me ujë, të gjitha kanë ikur. Ju lutem ju lutem me ndimoni, jemi mbyt brenda”
