Nënkryetari i Kuvendit, Bledi Çuçi dhe njëkohësisht drejtuesi politik i socialistëve në qarkun Vlorë, ka qenë mbrëmjen e sotme në mbledhjen e Shtabit të Emergjencave bashkë me ministrin e Mbrojtjes, Pirro Vëngu për të koordinuar përpjekjet për situatën e krijuar nga përmbytjet.
“Kemi detyrimin dhe përgjegjësinë t’u shërbejmë njerëzve e të bëjmë çmos që Vlora t’i rikthehet përditshmërisë si më parë. Dukshëm gjendja është përmirësuar dhe kjo na jep mundësi të ecim para me vlerësimin e dëmeve rast pas rasti”, thotë Çuçi teksa ndan foto nga mbledhja.
Në disa rrugë të qytetit ka ende inerte dhe baltë, por sot pasdite gjendja ishte pëërmirësuar ndjeshëm për përjashtim të disa zonave. ©Argjiroja.net
