Sot lamtumira e fundit për Sefedin Brahon, homazhet në pallatin e sportit Gjirokastër

Futbolli shqiptar në zi. Sot do t’i jepet lamtumira e fundit Sefedin Brahos, ish-futbollistit të shquar të Kombëtares, Luftëtarit dhe Partizanit. Homazhet publike do të mbahen në pallatin e sportit të Gjirokastrës në orën 13 me 15:00. Braho u nda nga jeta pas disa komplikacioneve shëndetësore të shfaqura në ditët e fundit. Ai spikati falë talentit të tij, duke qenë një prej lojtarëve më të shquar të futbollit shqiptar në vitet 70-80. Ai njihej me nofkën “shigjeta”, për shkak të shpejtësisë, elegancës dhe triblimit të tij. Në kampionatin shqiptar ka luajtur për Partizanin dhe Luftëtarin, ndërsa me Kombëtaren kuqezi ka zhvilluar 9 ndeshje, duke realizuar edhe një gol.