Një aksident i pazakontë ka ndodhur mbrëmjen e sotme në aksin Levan-Pishporo në Fier. Një makinë mori para rreth 40 kokë bagëti të imëta. Lidhur me ngjarjen ka folur dhe çobani i deleve, ku tha se kanë qenë dy makina me shpejtësi që po parakalonin njëra tjetrën, ato që shkaktuan aksidentin. “Po fusja bagëtinë brenda portës. Po vinin 2 makina u dola para t’i ndaloja, nuk ndalonin po parakalonin njëri tjetrin, u shmanga mos më vrisnin mua dhe më përplasën delet. Më kanë vrarë 40 krerë deri tani. Llogariten rreth 10 milionë lekë dëm. Ngjarja ka ndodhur rreth orës 6″, shprehet ai.