Një ngjarje e pazakontë ka ndodhur në Sarandë, ku një sanitare ka dhunuar drejtoreshën e kopshtit.
Bëhet me dije se është arrestuar Etleva Meta 45 vjeçe, banuese në Sarandë, e punësuar si sanitare në një kopsht në Sarandë, pasi më datë 16.10.2024, në ambientet e këtij kopshti, gjatë një konflikti për motive të dobëta, ka ushtruar dhunë fizike ndaj drejtoreshës së kopshtit, shtetases Valbona Mehmeti.
Burime për media raportojnë se shkak i sherrit mes sanitares dhe drejtoreshës, ka qenë pasi kjo e fundit i ka kërkuar që të respektojë orarin e punës.
Duket se kjo kërkesë llogarie nuk i ka pëlqyer aspak sanitares, e cila është kthyer dhe ka dhunuar drejtoreshën.
“Komisariati i Policisë Sarandë arrestoi shtetasen E. M., 45 vjeçe, banuese në Sarandë, e punësuar si sanitare në një kopsht në Sarandë, pasi më datë 16.10.2024, në ambientet e këtij kopshti, gjatë një konflikti për motive të dobëta, ka ushtruar dhunë fizike ndaj drejtoreshës së kopshtit, shtetases V. M., për shkak të detyrës”, njofton policia.
