Anxhela Paparizo do të emërohet Drejtore e Përgjithshme e Agjencisë për Mbështetjen e Vetëqeverisjes Vendore (AMVV).
Paparizo vjen në këtë detyrë pas një eksperience më shumë se 20-vjeçare në administratën vendore, si në Shqipëri, ashtu edhe në Kanada. Gjatë karrierës së saj ka mbajtur role drejtuese në administratën vendore, përfshirë Bashkinë e Tiranës dhe atë të Burlingtonit, në Ontario.
Deri në mesin e këtij viti ajo mbajti rolin e drejtoreshës së QSUT. Paparizo është vlerësuar edhe me çmimin “Elitë e Gruas Shqiptare në Botë”. Ajo pason në këtë funksion Stiljan Llavdanitin, i cili ka ushtruar detyrën e Drejtorit të Përgjithshëm të komanduar të AMVV-së.
Agjencia për Mbështetjen e Vetëqeverisjes Vendore është institucioni që mbështet procesin e decentralizimit dhe funksionimin e njësive të vetëqeverisjes vendore, në përputhje me politikat dhe kuadrin ligjor në fuqi.
