Gara me dema në kalldrëmet e Gjirokastrës, kryetari i bashkisë humor me ambasadorin e Spanjës (VIDEO)

Gjatë fjalës në ceremoninë për hapjen e filialit të universitetit publik spanjoll UNED në Gjirokastër, kryebashkiaku Flamur Golemi ka bërë humor me ambasadorin Alvaro Renedo Zalba teksa përmendi garat me dema.

“Deri më tani Spanjës i kemi marrë shumë turistë çdo vit. Gjirokastra është një nga destinacionet kryesore të spanjollëve që vijnë në Shqipëri. Së fundi i morëm dhe filialin e universitetit më të madh publik që ata kanë. Nuk duhet të çuditemi nëse ndonjë ditë do të shohim në kalldrëmet e Gjirokastrës edhe garat e famshme me dema si ato që bëhen në Spanjë”, tha Golemi. Shihni videon më poshtë. ©Argjiroja.net